Хүнс 
Олон улсын стандартад нийцсэн, эрүүл, монгол үхрийн махыг эх орондоо үйлдвэрлэгч Primeat брэнд нь 33 жилийн арвин туршлагатай "Хүнс Комплекс" ХХК-тай хамтын ажиллагаа эхлүүлэв.
Уг хамтралын хүрээнд боловсруулсан мах, махан бүтээгдэхүүн буюу 100% үхрийн махан премиум зэрэглэлийн хиам, утсан өвчүүний мах мөн зөвхөн үхрийн болон тахианы махан орцтой өглөөний зайдас зэрэг бүтээгдэхүүнийг зах зээлд цоо шинээр худалдаанд гаргалаа.
Primeat брэнд нь Хэнтий аймгийн Хэрлэн сумын Чандганы талд эрчимжсэн мал ахуй, газар тариалан бүхий хөдөө аж ахуйн цогцолборыг хэрэгжүүлдэг ба эрүүл, гантигласан, монгол үхрийн махыг бэлтгэдэг. Харин "Хүнс Комплекс" ХХК нь 1992 оноос хойш хүнс үйлдвэрлэлийн салбарт ажиллаж буй бөгөөд ISO 22000:2018, ISO 9001:2015 гэх мэт чанарын стандартын дагуу Герман, Орос технологиор бүтээгдэхүүнээ боловсруулдаг.
Үндэсний үйлдвэрлэгчид нэгдэн дэлхийн жишигт нийцсэн, премиум зэрэглэлийн бүтээгдэхүүн гаргахаар шийдвэрлэсэн нь Монголын хүнсний үйлдвэрлэлд томоохон ахиц авчраад зогсохгүй олон улсын экспортын зах зээлд монгол хүнс өрсөлдөх бас нэгэн суурийг хүчитгэж буй үйл хэрэг юм.
