Түүхэн үйлдвэрүүдээр зочилж туршлага солилцсон өдрүүд

Манай бүтээгдэхүүн хөгжүүлэлтийн багийн төлөөллүүд өнгөрөгч 7 хоногт ХБНГУ-ыг зорьж тус улсад тоног төхөөрөмжөөрөө дэлхийд тэргүүлэгч үйлдвэрүүдээр зочлон шинэ бүтээгдэхүүний туршилтаа амжилттай хийж, ганзага дүүрэн ирлээ. Тухайлбал: ХБНГУ-даа 80 гаруй жилийн түүхтэй мах, хиаман бүтээгдэхүүн үйлдвэрлэгчдийн нэг “Buchmann”-р зочилж сүүлийн үеийн технологийг орчин үеийн чанарын менежменттэй хэрхэн хослуулсан талаар санал бодлоо солилцож өөрийн үйлдвэртээ хэрхэн нутагшуулах талаар тус үйлдвэрийн 2 дахь үеийн төлөөлөлтэй биечлэн уулзаж туршлага солилцсон юм. Энэ жил бидний хувьд хэд хэдэн шинэ бүтээгдэхүүнийг хөгжүүлж хэрэглэгчддээ хүргэхээр төлөвлөсөн бөгөөд дэлхийд шилдэгт тооцогдох ХБНГУ-ын ноухауг шингээн олон улсын стандартад нийцсэн үйлдвэрлэлийг хийхээр зорин ажиллаж байна.